Livanın Baş naziri Nəvaf Salam ictimaiyyətə müraciət edərək bildirib ki, "qarşısını almaq üçün əlimizdən gələni etdiyimiz müharibəni dayandırmaq üçün gecə-gündüz çalışır".

Qaziler.az bildirir ki, bu barədə Milli Xəbər Agentliyi (NNA) xəbər verir.

"Biz heç bir şəkildə Livanın digər ölkələrin müharibələrində iştirak etmək üçün azad əraziyə çevrilməsi ilə razılaşa bilmərik", - deyə o bildirib.

Salam əlavə edib ki, ölkə prezidenti Cozef Aun "Livanı düşdüyü çətin vəziyyətdən çıxarmaq məqsədilə danışıqlar təşəbbüsü ilə çıxış edib".

Livan ötən həftə Hizbullahın ABŞ-İsrail hücumlarında İranın Ali Lideri Əli Xameneinin öldürülməsinə qisas olaraq İsrailə hücum etməsi ilə Yaxın Şərq müharibəsinə cəlb olunub.

QAZİLER.AZ