Berlinin Spandau rayonunda avtobus və avtomobilin iştirakı ilə ciddi qəza baş verib, nəticədə 12 nəfər xəsarət alıb.

Qaziler.az bildirir ki, bu barədə "Bild" qəzeti  məlumat yayıb.

Hadisə dünən təxminən saat 13:30 yol kəsişməsində baş verib. Polisin məlumatına görə, "Volkswagen"in 46 yaşlı sürücüsü 10 sərnişin və sürücünü daşıyan avtobusla toqquşub. Zərbədən sonra nəqliyyat vasitəsi yoldan çıxaraq ağaca çırpılıb.

Yaralılardan biri, ehtimal ki, avtomobilin sürücüsü, həyati təhlükəsi olan xəsarətlər alıb. Yanğınsöndürmə idarəsinin sözçüsü bildirib ki, o, təcili yardım həkiminin müşayiəti ilə vertolyotla xəstəxanaya aparılıb. Kişinin hazırkı vəziyyəti barədə məlumat verilməyib.

Qəza yeri tamamilə mühasirəyə alınıb. Berlin nəqliyyat polisi qəzanın səbəbləri ilə bağlı araşdırmaya başlayıb.

QAZİLER.AZ