Rusiya Federasiya Şurasının sədri Valentina Matviyenko prezidentin xüsusi nümayəndəsi və Kuba xarici işlər naziri Bruno Rodriqes Parrilla ilə görüşündə bildirib ki, ABŞ-nin Kubaya qarşı enerji blokadası soyqırıma bənzəyir.

Qaziler.az “RİA Novosti”yə istinadla xəbər verir ki, Matviyenko respublikaya qarşı mövcud məhdudiyyətlərin son dərəcə sərt olduğunu vurğulayıb.

“Bu gün Kubanın belə sərt blokadası, hazırda tətbiq etdikləri enerji blokadası, mən bunu sadəcə Kuba xalqının soyqırımı adlandırardım”, - o bildirib.

Federasiya Şurası sədrinin sözlərinə görə, beynəlxalq ictimaiyyət və ağıllı ölkələrin əksəriyyəti belə bir siyasəti qətiyyətlə qınamalıdır. O, beynəlxalq tərəfdaşları Kubanı daha fəal şəkildə dəstəkləməyə və ona lazımi yardımı göstərməyə çağırıb.

QAZİLER.AZ