2025-ci ildə həmvətənlərin köçürülməsi proqramı çərçivəsində Rusiyaya 26.700 nəfər gəlib. Bu, son 15 ildə ən aşağı göstəricidir.

Qaziler.az bildirir ki, bu barədə “Kommersant” qəzeti məlumat yayıb.

2025-ci ildə proqram iştirakçılarının ən çoxu Qazaxıstan (35%) və Qırğızıstan (11%) vətəndaşlarından ibarət olub. Qalan miqrantlar Türkmənistan (9,6%), Özbəkistan (9,5%), Tacikistan (9,2%) və Ermənistan (8,3%) vətəndaşları olub. Qalan 17,4%-i isə Azərbaycan, Almaniya, Baltikyanı ölkələr, Ukrayna, İsrail, Gürcüstan və Belarus vətəndaşları olub. Ekspertlər proqramın leqallaşdırma, sosial inteqrasiya və bürokratik maneələr də daxil olmaqla çətinliklərlə üzləşdiyini bildirirlər.

Daha əvvəl bildirilmişdi ki, 2025-ci ildə Rusiyaya qayıtmaq üçün Almaniyanın REAG/GARP proqramından 1334 nəfər yararlanıb. Proqram uçuş xərclərini ödəyir və böyüklər üçün 1000 avro, yetkinlik yaşına çatmayanlar üçün isə 500 avro məbləğində birdəfəlik müavinət təmin edir.

QAZİLER.AZ