Vaşinqton Qazaxıstanı Çinə alternativ nadir torpaq mineralları mənbəyi kimi nəzərdən keçirir.

Qaziler.az TASS-a istinadla xəbər verir ki, bunu ABŞ-nin Qazaxıstandakı səfiri Culi Stafft jurnalistlərə bildirib.

"Bəli, düşünürəm ki, Qazaxıstanla bağlı ilk araşdırmamı apararkən məni ən çox təəccübləndirən şey ölkənin mineral ehtiyatlarla nə qədər zəngin olması idi", - deyə o, bu məsələ ilə bağlı suala cavab verib.

Stafft bildirib ki, Qazaxıstanda çoxlu nadir torpaq mineralları var. O qeyd edib ki, məqsədi ABŞ və Qazaxıstan arasında əməkdaşlığı genişləndirməkdir. Vaşinqton hazırda Astananın əsas ticarət tərəfdaşlarından biri deyil, lakin o, bunun dəyişəcəyinə ümid edir.

QAZİLER.AZ