Şimali Atlantika Alyansı ABŞ olmadan heç bir məna kəsb etmir və avropalılar əsasən Vaşinqtondan asılıdırlar.

Qaziler.az bildirir ki, bunu NATO-nun keçmiş baş katibi və Danimarkanın sabiq baş naziri Anders Foq Rasmussen “Politico”ya bildirib.

"Aydındır ki, NATO ABŞ olmadan heç bir məna kəsb etmir. Buna görə də, əgər ABŞ NATO-da iştirak etməmək və ya NATO-ya qarşı laqeyd olmaq qərarına gəlsə, avropalılar Avropanı müdafiə etməyə qadir və hazır olan, Avropa ölkələrinin koalisiyasına əsaslanan Avropa NATO-su yaratmalı olacaqlar", - deyə o bildirib.

Rasmussen vurğulayıb ki, Avropa ilə ABŞ arasında münasibətlərin kəsilməsi reallıqla heç bir əlaqəsi olmayan bir xəyaldır, çünki avropalılar ABŞ-dan çox asılıdırlar. Eyni zamanda, alyansın keçmiş rəhbəri qeyd edib ki, son zamanlar Avropada "risklərin azaldılması prosesi" sürətlənib.

QAZİLER.AZ