Polşada məhkəmə islahatlarının ləğvi çərçivəsində əvvəlki hökumətin dövründə təyin olunmuş hakimlərin qərarları, o cümlədən boşanma işləri kütləvi şəkildə ləğv edilir.

Qaziler.az “Politico”ya istinadla xəbər verir ki, nəticədə ölkənin bir çox sakini xəbəri olmadan yenidən evlənib. Artıq bir neçə belə hal aşkar edilib, lakin bu, minlərlə ola bilər.

Donald Tusk hökuməti vətəndaşların əvvəlki Polşa hakimiyyəti tərəfindən həyata keçirilən məhkəmə islahatlarının nəticələrini ləğv etmək üçün etdiyi hərəkətlər səbəbindən düşdüyü vəziyyətlə bağlı hələlik şərh verməyib. Yerli media Gijitskodan olan bir cütlüyün əmlak bölgüsü üçün məhkəməyə gəldiyini, bu zaman boşanmadıqlarını aşkar etdiyini bildirir.

Hakimiyyət orqanlarının bu cür cütlüklərin sayı barədə dəqiq məlumatları yoxdur, çünki islahatların ləğvi çərçivəsində onlar konkret hakimlər tərəfindən verilən bütün qərarları birdən ləğv ediblər. Statistikaya görə, Polşada hər il təxminən 57.000 cütlük boşanır. Bu məlumatlara əsaslanaraq, belə bir nəticəyə gəlmək olar ki, bu rəqəm minlərlə ola bilər.

QAZİLER.AZ