Kubada havanın temperaturu ölkə tarixində ilk dəfə sıfır dərəcə selsiyə düşüb. Daha əvvəlki rekord isə 1996-cı ildə qeydə alınıb.
Qaziler.az bildirir ki, bu haqda ölkənin Milli Meteorologiya İnstitutu məlumat yayıb.
“Səhər saat 7:00-da termometr 0 dərəcə Selsi qeydə alıb. Bu, ölkə üçün rekord minimum göstəricidir. Əvvəlki rekord minimum 0,6 dərəcə selsi 18 fevral 1996-cı ildə Bainoa Stansiyasında qeydə alınıb”, - İnstitut bildirib.
Meteoroloqların məlumatına görə, soyuq və quru Arktika hava kütlələrinin təsiri səbəbindən adada havanın temperaturu aşağı düşüb. Aşağı bulud örtüyü və zəif küləklər də buna səbəb olub.
QAZİLER.AZ
