Sol-liberal “Demokratlar 66” partiyasının rəhbərlik etdiyi koalisiya tərəfindən yaradılan gələcək Niderland hökuməti 2027-ci ildən 2029-cu ilə qədər Ukraynaya hər il 3 milyard avrodan çox hərbi yardım ayıracaq.

Qaziler.az xəbər verir ki, bu barədə “Dutch News” yazır.

Kiyevə hərbi dəstək üçün hər il təxminən 3 milyard avro, "digər dəstək formaları" üçün isə təxminən 400 milyon avro ayrılacaq. Qeyri-hərbi yardım beynəlxalq inkişaf və xarici ticarət üçün ayrılan büdcədən maliyyələşdiriləcək, Müdafiə Nazirliyi isə hərbi dəstəkdən məsul olacaq. Müdafiə Nazirliyi hərbi yardımı maliyyələşdirmək üçün gələcək illərdə planlaşdırılan büdcəni yenidən bölüşdürərək, başqa bir mexanizmdən istifadə edəcək.

Bundan əlavə, yeni koalisiya 2030-cu ilə qədər Niderland silahlı qüvvələrinin sayını 122.000 nəfərə çatdırmağı hədəfləyir. Bu məqsədə nail olunmazsa, hökumət məcburi hərbi xidmətin yenidən tətbiq edilməsi imkanını nəzərdən keçirəcək.

QAZİLER.AZ