Fransanın Marsel şəhər prokurorluğu, Fransa hakimiyyətinin Rusiyadan neft daşımaqla beynəlxalq sanksiyaları pozmaqda iştirak etdiyinə inandığı “Qrinç” neft tankeri ilə bağlı araşdırmaya başlayıb.
Qaziler.az-ın məlumatına görə, bu barədə “France24” yazır.
"Sanksiyaları pozan Rusiyanın "kölgə donanmasına" aid olmaqda şübhəli bilinən tanker Fransanın Marsel-Fos limanına çatdırılacaq”, - nəşr yazıb.
Fransa təhlükəsizlik qüvvələri Rusiyanın Arktika limanı olan Murmanskdan İspaniya və Mərakeş arasındakı limanlara gedən neft tankerinə miniblər. Tankerin fevralın 24-də Fransanın cənubundakı Marsel-Fos limanına çatacağı gözlənilir.
QAZİLER.AZ
