Kamçatka diyarında son 30 ilin ən güclü qar yağışı səbəbindən fövqəladə vəziyyət elan olunub.

“Operativ Məlumat Mərkəzi-OMM” bu barədə SHOT "Telegram” kanalına istinadən xəbər verir.

Məlumata görə, Petropavlovsk-Kamçatski hava limanında yüzlərlə sərnişin qalıb: 10 uçuş gecikib, daha altı uçuş 24 saatlıq gecikmə ilə həyata keçirilir və biri ümumiyyətlə yola düşə bilmir. Bundan əlavə, on doqquz uçuş gecikib və bir uçuş ləğv edilib.

Siklon şəhəri demək olar ki, iflic vəziyyətinə salıb. Güclü qar və külək görmə qabiliyyətinin azalmasına, qar yığınlarının yaranmasına və yolların keçilməz olmasına səbəb olub, avtobus xidməti dayandırılıb. Bəzi evlərin giriş qapıları qarla bağlı bloklanıb.

Yerli hakimiyyət orqanları və fövqəladə xidmətlər əhalinin təhlükəsizliyini təmin etmək üçün tədbirləri gücləndirib.