ABŞ-də tibb bacılarının ən böyük tətili təxminən 15.000 işçinin iştirak etdiyi Nyu-York şəhərində başlayıb.

Qaziler.az xəbər verir ki, bu barədə “Politico” yazır.

Etirazçılar mövcud inflyasiya səviyyəsini nəzərə alan əmək haqqının artırılmasını, işçi qüvvəsi çatışmazlığı proqramlarının qorunmasını və genişləndirilməsini, eləcə də tibb işçilərini iş yerində zorakılıqdan qoruyan maddələrin əmək müqavilələrinə daxil edilməsini tələb edirlər.

Jurnalistlərin sözlərinə görə, uzun və səmərəsiz danışıqların nəticəsi olan tətil 2023-cü ildəki etirazdan iki dəfə çoxdur. Xəstəxana nümayəndələri tələblərin real olmadığını iddia edir və federal maliyyə dəstəyinin potensial azalması ilə bağlı narahatlıqlarını bildirirlər.

Nyu-York şəhərinin meri Zöhran Mamdani ictimaiyyəti ehtiyacı olan hər kəsin tibbi xidmətə fasiləsiz çıxışını təmin etmək öhdəliyinə əmin edib. Xəstəxanalar müvəqqəti işçi qüvvəsinə müraciət etmək məcburiyyətində qalıblar. Tibb bacılarını təmsil edən həmkarlar ittifaqı xəstəxana rəhbərlərini güzəştə getmək və konstruktiv danışıqlar aparmaq istəməməkdə günahlandırıb.

QAZİLER.AZ