ABŞ-nin dövlət katibi Marko Rubio ABŞ-nin Venesuela planının üç hissədən ibarət olduğunu açıqlayıb.

Qaziler.az bu barədə RİA “Novosti” agentliyinə istinadla xəbər verir.

"Belə ki, irəlilədikcə, Venesuelada üç mərhələdən ibarət olan bu prosesi təsvir edəcəyik. İlk addım ölkədəki vəziyyəti sabitləşdirməkdir. Biz onun xaosa çevrilməsini istəmirik", - deyə nazir bildirib.

Rubio əlavə edib ki, planın ikinci mərhələsi Venesuela iqtisadiyyatının bərpasını əhatə edir. Onun sözlərinə görə, bu mərhələdə ABŞ Amerika, Qərb və digər şirkətlərə ölkə bazarına ədalətli giriş təmin etmək niyyətindədir.

Dövlət katibi qeyd edib ki, üçüncü mərhələ müxalifət qüvvələrinin əfvini nəzərə alaraq hakimiyyətin ötürülməsini əhatə edir. Bu proses zamanı ABŞ siyasi məhbusları azad etmək və ya geri qaytarmaq və vətəndaş cəmiyyətini bərpa etmək niyyətindədir. Rubio vurğulayıb ki, Vaşinqton yaxın günlərdə planın əlavə təfərrüatlarını təqdim edəcək.

QAZİLER.AZ