Parisdə metroda bir kişi bıçaqla üç qadına hücum edərək onları yaralayıb.

Qaziler.az xəbər verir ki, bu barədə “Le Parisien” qəzeti məlumat yayıb.

Qəzet hücumların üç metro stansiyasında saat 16:15 ilə 16:45 (Bakı vaxtı ilə 19:15 və 19:45) arasında baş verdiyini bildirib.

Zərərçəkənlərə dərhal ilkin tibbi yardım göstərilib və onlar yalnız yüngül xəsarətlər alıblar. Əldə edilən məlumata görə, qadınlardan biri hamilə olub.

Kamera görüntüləri hücumçunu 2000-ci il təvəllüdlü kişi kimi müəyyən edib. O, daha əvvəl hüquq-mühafizə orqanlarının nəzarətində olub.

Polis baş verən hadisənin terror hücumu olduğunu istisna edib. Qeyd edilib ki, bu psixoloji cəhətdən qeyri-sabit bir şəxsin törətdiyi əməl olub.

QAZİLER.AZ