Səudiyyə Ərəbistanının dağlarına və səhralarına gözlənilmədən qar yağıb.
Bu barədə yerli televiziyada məlumat verilib və qar yağmasının görüntüləri yayımlayıb.
Bir neçə bölgənin sakinləri Ərəbistan yarımadası üçün nadir hallarda rast gəlinən meteoroloji hadisəni müşahidə ediblər: temperatur sıfır dərəcənin altına düşüb və yollar buz bağlayıb.
Bununla əlaqədar olaraq, Ər-Riyaddakı məktəblilər distant təhsilə keçiriliblər.
Sinoptiklərin məlumatına görə, ölkənin şimal bölgələrində qar yağmağa davam edə bilər.
