Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Kaya Kallas bildirib ki, Avropa diplomatiyasının keçmiş rəhbəri Federika Moqerini və Aİ-nin Xarici Əlaqələr üzrə keçmiş baş katibi Stefano Sanninonun həbs olunduğu fırıldaqçılıq qalmaqalı Avropa İttifaqını sarsıdıb.

Qaziler.az lenta.ru-ya istinadən bildirir ki, bu barədə "Euractiv" portalı Avropa Xarici Fəaliyyət Xidmətinin  rəsmilərinin görüşündə iştirak edən şəxsə istinadən məlumat yayıb.

Mənbə Kallasın sözlərini sitat gətirib: "Bu qalmaqallar, şübhəsiz ki, bizi sarsıdıb".

Böyüyən qalmaqala cavab olaraq, Avropa diplomatiyasının rəhbəri görüşdə qanun pozuntuları barədə məlumat vermək siyasətində dəyişikliklər elan edib. Lakin, görüş iştirakçılarının sözlərinə görə, Kallasın çıxışı konkretlik baxımından qısa olub və iştirak edənləri məyus edib.

QAZİLER.AZ