Avropa Komissiyası bir neçə Avropa İttifaqı üzv dövlətlərinə qarşı Avropa Birliyi Ədalət Məhkəməsində iddia qaldırıb.

Qaziler.az bu barədə Aİ-nin veb saytında məlumat verilib.

Aİ bildirib ki, Portuqaliyaya qarşı iddialar ölkənin “Natura 2000” qorunan ərazilər şəbəkəsi daxilindəki ərazilərə əhəmiyyətli dərəcədə təsir göstərə biləcək layihələri düzgün qiymətləndirməməsi və şəhər çirkab sularının təmizlənməsi ilə bağlı Aİ qaydalarına əməl etməməsi səbəbindən qaldırılıb.

Rumıniya Hava Keyfiyyəti Direktivləri üzrə öhdəliklərini yerinə yetirməməkdə ittiham olunub. İrlandiyaya qarşı iddia Şəhər Çirkab Sularının Təmizlənməsi Direktivini pozmasına əsaslanır.

Yunanıstan isə hava limanlarında performansa əsaslanan naviqasiya (PBN) prosedurlarının hazırlanması və dərc edilməsi üçün zəruri tədbirlərə əməl etməməsində şübhəli bilinir.

QAZİLER.AZ