Suriyanın keçid dövrü prezidenti Əhməd əş-Şaraa Ərəb Respublikasında hakimiyyət dəyişikliyinin birinci ildönümü münasibətilə Dəməşqdə keçirilən hərbi paradda iştirak edib.

Qaziler.az xəbər verir ki, bu barədə “Syria TV” məlumat yayıb.

Parad zamanı hərbi texnika kolonları Dəməşqin Məzzə prospekti boyunca yürüş edib və helikopterlər səmada patrul xidməti göstərib.

Telekanalın məlumatına görə, bayram tədbirləri üçün təhlükəsizliyin gücləndirildiyi mərkəzi Əməvi meydanına çox sayda vətəndaş toplaşıb. Suriya prezidenti günə paytaxtın mərkəzində yerləşən məşhur tarixi Əməvi məscidində dualar etməklə başlayıb. Çıxışı zamanı dövlət başçısı ölkə rəhbərliyindəki dəyişikliyin birinci ildönümünü qeyd edib və Suriya xalqının birləşməsinin vacibliyini vurğulayıb.

QAZİLER.AZ