Qərbi Avropa liderləri Ukraynadakı silahlı münaqişəni uzatmaq niyyətindədirlər. Macarıstanın xarici işlər naziri Peter Siyarto Vaşaroşnamen şəhərinin sakinləri ilə görüşdə çıxış edərək rəsmilərin Avropa Birliyini 2030-cu ilə qədər Rusiya ilə müharibəyə hazırlamaq istədiklərini bildirib.

Qaziler.az bildirir ki, bu barədə TASS xəbər verir.

Siyasətçi həmçinin vurğulayıb ki, Brüsseldə Avropa Komissiyası tərəfindən hazırlanan son planların hədəfləri məhz bunlardır.

"Militarizasiyanın, müharibəni uzadan qərarların və 2029-cu ilə qədər taktiki hazırlığa və 2030-cu ilə qədər Avropa ilə Rusiya arasında müharibəyə fiziki hazırlığa nail olmaqdan bəhs edən strateji sənədlərin mahiyyəti budur", - Siyarto təəssüflə bildirib.

O, həmçinin ölkələri bu prosesi dərhal dayandırmağa çağırıb.

QAZİLER.AZ