İndoneziyanın Sumatra adasında şiddətli yağışların yaratdığı daşqın və torpaq sürüşmələri nəticəsində ölənlərin sayı 174-ə çatıb.
İndoneziyada son zamanlar çox sayda insanın həyatına son qoyan əlverişsiz hava şəraiti təsirini davam etdirir.
İndoneziya Fəlakətlərə Qarşı Mübarizə Agentliyinin rəhbəri Suharyanto Şimali Sumatrada ölənlərin sayının 116-ya, Açedə isə 35-ə çatdığını açıqladı.
Suharyanto həmçinin axtarış-xilasetmə qruplarının Qərbi Sumatrada 23 nəfərin cəsədini tapdığını bildirib.
İtkin düşmüş 74 nəfərin axtarış-xilasetmə işləri davam edir.
İndoneziya Meteorologiya, İqlim və Geofizika Agentliyi əlverişsiz hava şəraitinin daha bir neçə gün davam edəcəyi barədə xəbərdarlıq edib.
İndoneziya Fəlakətlərin İdarə Edilməsi Agentliyi yağışlar nəticəsində minlərlə evin və binanın su altında qaldığını və minlərlə ailənin didərgin düşdüyünü bildirib.
Düyü tarlalarının, mal-qaranın və ictimai yerlərin də daşqınlar nəticəsində zərər gördüyü bildirilir.
