ABŞ-də 41 yaşlı kişi bir ay qəbizlikdən sonra dünyasını dəyişib.

Qaziler.az xəbər verir ki, bu barədə “İndependent” qəzeti məlumat yayıb.

41 yaşlı Ceyms Stüartın ailəsinin sözlərinə görə, onun saxlanıldığı əlillər evinin işçiləri bir neçə həftə ərzində onun səhhətində müşahidə olunan pisləşmənin aşkar əlamətlərini görməzdən gəliblər və nəticədə kütləvi bağırsaq tıxanması yaranıb. İnkişaf qüsurları və xroniki qəbizliyə meyilli olan xəstə mədə-bağırsağa ciddi yan təsirləri olan dərmanlar qəbul edirmiş. O, daimi nəzarət və gündəlik yardıma ehtiyac duyduğu üçün ixtisaslaşmış əlillər evində yaşayırmış.

İşçilər onun qarın ağrısı və nəcis ifraz edə bilməməsi ilə bağlı təkrarlanan şikayətlərini qulaqardına vurublar, getdikcə pisləşən vəziyyəti barədə həkimlərə və ailə üzvlərinə məlumat verməyiblər. Sənəddə qeyd edilib ki, Stüart bir neçə həftədən bir aya qədər qəbiz və qarnında şişkinlik olub.

Stüart daha sonra otağında huşsuz vəziyyətdə tapılıb. Xilasedicilərin sözlərinə görə, onun qarnı əhəmiyyətli dərəcədə şişkin olub və toxunmaqda çətinlik çəkiblər. Tibbi ekspertizanın rəyinə görə, Ceymsin bağırsaqları 9 kq-dan çox ağırlığında bərkimiş nəcis maddəsi ilə tamamilə tıxanıb. Bu da qazın bağırsaq divarındakı mikro-yırtıqlardan qarın boşluğuna keçdiyi pnevmoperitoneum gərginliyinə səbəb olub.

Stüartın ailəsi tərəfindən qaldırılan iddiada vurğulanır ki, əgər onun üçün müəyyən edilmiş fərdi qayğı planına əməl olunsaydı, onun vəziyyəti vaxtında müəyyən edilə və qarşısı alına bilərdi.

QAZİLER.AZ