ABŞ yeni “F-47” qırıcı təyyarəsi üzərində işlərə artıq başlayıb.

Qaziler.az RİA “Novosti”yə istinadla xəbər verir ki, bu barədə ABŞ prezidenti Donald Tramp açıqlama verib.

Yeni Nəsil Hava Üstünlüyü (NGAD) proqramının bir hissəsi olaraq hazırlanan ABŞ-nin altıncı nəsil “F-47” qırıcı təyyarəsinin ilk uçuş sınaqları 2028-ci ilə planlaşdırılır.

Layihənin təfərrüatları gizli saxlanılır. Yalnız “F-47”nin 1600 kilometrdən çox məsafə qət edəcəyi, “Mach 2”dən (təxminən 2248 km/saat) çox sürəti və qabaqcıl gizli texnologiyaları olacağı məlumdur. ABŞ Hərbi Hava Qüvvələrinin hər birinin qiyməti 300 milyon dollardan çox olan bu təyyarələrdən ən azı 185 ədəd almağı planlaşdırdığı bildirilir.

“F-47” pilotsuz peyklərin, yeni mühərriklərin, silahların, elektron müharibə sistemlərinin və döyüş idarəetmə sistemlərinin inkişafını da əhatə edən NGAD təşəbbüsünün bir hissəsi olaraq hazırlanır.

QAZİLER.AZ