Polşa hakimiyyəti fasilədən sonra Kuznitsa və Bobrovnikidə Belarusla iki sərhəd keçid məntəqəsini yenidən açıb.

Qaziler.az xarici mətbuata istinadən bildirir ki, bu barədə RMF24 radiosu noyabrın 17-də məlumat yayıb.

"Podlaskie voyevodalığı Kuznitsa və Bobrovnikidə Belarusla avtomobil sərhəd keçid məntəqələrini yenidən açıb. Kuznitsadakı keçid dörd il, Bobrovnikidəki keçid isə iki il yarımdan çox bağlanmışdı", - deyə məlumatda bildirilir.

Radionun məlumatına görə, 2021 və 2023-cü illərdə sərhəd keçid məntəqələrinin bağlanması "ciddi iqtisadi problemlərə" səbəb olub. Yerli hakimiyyət orqanları iki keçid məntəqəsinin bağlanmasının regionda biznes fəaliyyətinin çökməsinə səbəb olduğunu bildirirlər.

QAZİLER.AZ