Rusiyanın neft şirkəti “Lukoil” beynəlxalq aktivlərini satmaq üçün bir neçə potensial alıcı ilə danışıqlar aparır.

Qaziler.az xəbər verir ki, bu barədə şirkətin rəsmi saytında məlumat verilib.

Şirkət vurğulayıb ki, mülkiyyətçi dəyişikliyi zamanı əməliyyatların davamlılığını təmin etmək onun prioritetidir. Əməliyyatların konkret təfərrüatları və potensial alıcıların adları açıqlanmır.

"Konkret əməliyyat yekun razılaşmalar əldə edildikdən və lazımi tənzimləyici təsdiqlər alındıqdan sonra elan ediləcək", - “Lukoil” bildirib.

Qeyd edək ki, oktyabrın 23-də ABŞ Maliyyə Nazirliyi Rusiyanın ən böyük neft şirkətlərinə qarşı sanksiyalar elan edib.

QAZİLER.AZ