Filippində baş verən "Kalmaegi" tayfunu nəticəsində ölənlərin sayı 40-a çatıb.

Qaziler.az bildirir ki, bu barədə "Reuters" agentliyi noyabrın 4-də yerli hakimiyyət orqanlarına istinadən məlumat yayıb.

"Çərşənbə axşamı rəsmilər Filippində "Kalmaegi" tayfunu nəticəsində ölənlərin sayının 40-a çatdığını bildiriblər", - deyə məlumatda bildirilir.

Qeyd olunur ki, tayfun sahilə çatdıqdan sonra gücünü azaltsa da, ölkəyə saatda 130 km sürətlə və saatda 180 km-ə qədər sürətlə küləklər gətirməyə davam edib.

Filippində 3 noyabrda "Kalmaegi" tayfunu səbəbindən 150 mindən çox insan təxliyə edilib. Hakimiyyət orqanları güclü yağış, külək və 3 metr hündürlüyə qədər dalğalar barədə xəbərdarlıq edib.

QAZİLER.AZ