İsrail ordusunun Livanın Nəbatiyə bölgəsinə endirdiyi zərbə nəticəsində Hizbullahın cənub cinahı qərargahının logistika üzrə komandiri Abbas Həsən Kərki məhv edilib.
APA xəbər verir ki, bu barədə İsrail ordusu məlumat yayıb.
Məlumata görə, sözügedən şəxs Hizbullahın döyüş qabiliyyətinin bərpası prosesinə rəhbərlik edənlərdən biri olub.
O həm də Livanın cənubuna silah daşınması və saxlanmasına nəzarət edib.
İsrail ordusu Hizbullahın fəaliyyətinin İsrail və Livan arasında əldə olunan anlaşmalara zidd olduğunu bəyan edib.
