Rusiyalı turistlərdən Monteneqroya viza ilə gəlmələri tələb olunacaq.

Qaziler.az “Balkanist”ə istinadla xəbər verir ki, bu barədə Monteneqro prezidenti Yakov Milatoviç Brüsseldə Avropa Şurasının sədri Antonio Kosta ilə görüşdə bildirib. Mənbənin sözlərinə görə, ölkə hakimiyyəti Monteneqronun Aİ-yə daxil olmasına xələl gətirə biləcək “Rusiya təsiri” ilə mübarizə aparmağa çalışır.

"Biz turizm sektorumuzu dəstəkləmək üçün vizaların tətbiqini mümkün qədər gecikdirməyə çalışırıq. Bununla belə, Monteneqro çox tezliklə viza rejimini Aİ ilə uyğunlaşdıracaq", - Milatoviç vurğulayıb.

Prezident etiraf edib ki, ölkə rusiyalı turistlərdən və investisiyalardan asılıdır. Hazırda ruslar Balkan ölkəsinə vizasız səfər edə bilərlər. Monteneqroda maksimum qalma müddəti 30 gündür. Rusiya ilə viza rejiminin tətbiqi ilə bağlı dəqiq tarix hələ müəyyən edilməyib.

QAZİLER.AZ