Yaxın gələcəkdə Altay Respublikasında həftə sonları və bayram günlərində spirtli içki satışına tam qadağa tətbiq ediləcək.

Qaziler.az bildirir ki, bu barədə regionun rəhbəri Andrey Turçak “Telegram” kanalında bildirib. O, qeyd edib ki, ötən ildən bəri doğum göstəricisini üstələyən ölüm nisbəti artdığından əhəmiyyətli dərəcədə daha sərt qadağaya ehtiyac var.

“Alkoqol satışı həftə içi səhər 11:00-dan 19:00-a qədər, cümə günləri isə saat 16:00-a qədər məhdudlaşdırılacaq. Həftə sonları və bayram günlərində spirtli içkilərin satışına tam qadağa qoyulacaq”, - Andrey Turçak yazıb.

Turçak izah edib ki, bu mənfi tendensiyanın əsas səbəbləri arasında sərxoş vəziyyətdə törədilən avtoqəzalar və spirtli içkilərdən zəhərlənmələr var. Çox vaxt müntəzəm olaraq həddindən artıq spirtli içki istehlakı ilə əlaqəli qan dövranı xəstəlikləri səbəbindən yüksək ölüm göstəriciləri də narahatlıq doğurur.

QAZİLER.AZ