Atəşkəs razılaşmasından sonra BMT sülhməramlılarının Qəzza zolağına göndərilməsi məsələsi vaxtından əvvəldir və anklavda vəziyyətin necə inkişaf etməsindən asılı olaraq bu məsələyə baxıla bilər.

Qaziler.az bildirir ki, bunu TASS-a BMT Baş katibinin sülhməramlı əməliyyatlar üzrə müavini Jan-Pyer Lakrua BMT-nin sülhməramlı qüvvələrinin tərkibində iştirak edən ölkələrin orduları komandirlərinin iclası çərçivəsində deyib.

"Bu barədə danışmaq hələ tezdir. İndi vacib olan odur ki, ilk addım atılıb – atəşkəs əldə olunub, girovlar və məhbusların mübadiləsi aparılıb. Ümid edirik ki, bu, qorunub saxlanılacaq", - Lakrua deyib.

QAZİLER.AZ