İsrailin Baş naziri Benyamin Netanyahu ABŞ prezidenti Donald Trampın Qəzza münaqişəsinin həlli planını dəyişməyə çalışır. Onun hərəkətləri danışıqların pozulmasına səbəb ola bilər.

Qaziler.az xəbər verir ki, bu barədə Britaniyanın Financial Times (FT) qəzeti mənbələrə istinadən məlumat yayıb.

Qəzet iddia edir ki, israilli siyasətçi razılaşmanı ölkəsinin xeyrinə düzəltmək istəyir. Onun bu hərəkəti isə danışıqlarda vasitəçilik edən Qətər və Misir nümayəndələrini narahat edir.

Anonim diplomat jurnalistlərə açıqlamasında qeyd edib ki, Netanyahunun düzəlişlərindən sonra HƏMAS heç vaxt razılaşmanın şərtlərini qəbul etməyəcək. Xüsusilə, SAXAL-ın yenidən yerləşdirilməsinin vaxtı və yeri və Fələstin Administrasiyasının anklavın idarə olunmasında gələcək rolu qəbuledilməz ola bilər.

Həmas və ərəb ölkələri İsrailin razılaşmanın şərtlərinə əməl edəcəyinə dair zəmanət istəyirlər. Bununla belə, Netanyahu daha çox girovların azad edilməsində, rəqibləri isə uzunmüddətli öhdəliklərlə maraqlanır.

QAZİLER.AZ