Rusiyanın “Max” messencerinin ümumi istifadəçi bazası 40 milyonu ötüb.

Qaziler.az xəbər verir ki, bu barədə TASS messencerin mətbuat xidmətinə istinadən məlumat yayıb.

Tətbiq işə salındıqdan sonra istifadəçilər artıq 2 milyarddan çox mesaj göndərib və 500 milyondan çox zəng edib.

“Max” rəqəmsal platformasının beta versiyası mart ayında VK tərəfindən istifadəyə verilib. VK-nın baş direktoru Vladimir Kiriyenkonun sözlərinə görə, iyunun əvvəlində qeydiyyatdan keçmiş istifadəçilərin sayı 100-200 mini keçməyib.

Messenger mesajlaşma, səsli və video zənglər, dörd giqabayta qədər fayl paylaşımı təklif edir. Proqramı “App Store”, “RuStore” və “Google Play”dən yükləmək mümkündür.

QAZİLER.AZ