ABŞ prezidenti Donald Tramp hesab edir ki, o, "Nobel" Sülh Mükafatına layiqdir və bu mükafatı almasa, bu ölkə üçün "böyük təhqir" olar.

Qaziler.az bildirir ki, bu barədə “The Hill” nəşri məlumat yayıb.

Bir qrup yüksək rütbəli general və admiral qarşısında çıxış edən Tramp bildirib ki, o, yeddi beynəlxalq müharibənin dayandırılmasına kömək edib və onun İsraillə HƏMAS arasındakı münaqişənin həllinə dair 20 bəndlik sülh planı onun uğurunun səkkizinci nümunəsi ola bilər.

"Əgər bu işləsə, səkkizincimiz olacaq - səkkiz ayda səkkiz. Bu, heç də pis deyil. Heç kim hələ bunu etməyib", - Amerika prezidenti bəyan edib.

Lakin Tramp mükafatın alınmasına şübhə ilə yanaşdığını bildirib.

"Nobel mükafatını qazanacaqsınızmı? Təbii ki, yox. Onu heç bir iş görməyən oğlana verəcəklər. Onu Donald Trampın ağlı və müharibələri başlatmaq üçün nələr lazım olduğu haqqında kitab yazan birinə verəcəklər. Nobel mükafatı yazıçıya qismət olacaq. Xeyr, nə olacağını görəcəyik, amma bu, ölkəmiz üçün böyük təhqir olardı. Mən sizə deyəcəm. Mən bunu istəmirəm. İstəyirəm ki, ölkə bunu alsın. Və bunu almalıdır, çünki o, əvvəllər belə bir şey olmayıb".

Onu da əlavə edək ki, Nobel Sülh Mükafatı laureatı oktyabrın 6-dan 13-dək elan olunacaq. Bu il 338 namizəd - 244 fiziki şəxs və 94 təşkilatın namizədliyi irəli sürülüb.

QAZİLER.AZ