"Raqasa" supertayfunu Çində ağır fəsadlar törədib.

Sentyabrın 24-də Çin sakinləri “İzvestiya”ya “Raqasa” supertayfununun nəticələri barədə məlumat veriblər.

Çinin cənubundakı Quandun əyalətinin sakini Dmitri Alekseyenko təbii fəlakətin ağacları kökündən çıxardığını, ağacların aşması və leysan yağışları nəticəsində çoxlu avtomobillərə ziyan vurduğunu bildirib.

"Mən zərər və tələfat haqqında heç nə bilmirəm, lakin əyalətdən 1 milyondan çox insanın təxliyə edildiyini bilirəm. Qasırğa dünən gecədən başlayıb və bütün günü tüğyan edir. O, yalnız Quandun əyalətini yan tərəfdən vurub, lakin hazırda ən çox Makao və Honq-Konq zərbə altındadırr", - deyə kişi paylaşıb.

Foşan sakini Venera Xvan bildirib ki, yerli hakimiyyət orqanlarının şəhərdə çox təhlükəli olan bu fövqəladə vəziyyətə cavab tədbirlərinin birinci səviyyəsini qəbul etdiklərini deyiblər.

QAZİLER.AZ