Rusiyada yaşayan ermənilər satqındırlar. Axar.az xəbər verir ki, bunu “Birinci kanal”da yayımlan “Politika” verilişində Rusiyanın Liberal Demokrat Partiyasının lideri Vladimir Jirinovski söyləyib. O, çıxışı zamanı əslən erməni olan “Ekspert” jurnalının rəhbəri Gevork Mirzoyanla mübahisə edib:

“Ermənistana get. Moskvada bizim arxamızda oturub, nə etməli olduğumuzu əmr edirsiniz. Ermənistanda yaşamayanların hər biri satqındır. Öz vətəninizə gedin. Artıq Moskvanın yarısını tutmusunuz”.

Jirinovski çıxışı zamanı həmçinin Türkiyənin ermənilər və kürdlər arasında bölünməli olduğunu bildirib:

“Ermənistanın ən böyük düşməni türklərdir. Ona görə də Türkiyəni onların əli ilə vurmaq lazımdır”.