Əfqanıstanın şərqindəki Hindukuş dağlarında baş verən zəlzələ nəticəsində yarıdan çoxu uşaqlar olmaqla 500 minə yaxın insan zərər çəkib.

Qaziler.az xəbər verir ki, bu barədə BMT-nin Uşaq Fondu (UNICEF) bildirib.

"500 min insan zəlzələdən zərər çəkib, onlardan 263 mini uşaqdır", - fondun açıqlamasında deyilir.

Qurumlararası sürətli qiymətləndirmənin nəticələrinə görə, Əfqanıstanın 30 icmasında təxminən 20 000 azyaşlı, 10 000-dən çox qız və 9 400-ə yaxın oğlan zərər çəkib.

UNICEF vurğulayıb ki, rəqəmlər fəlakətin uşaqlara qeyri-mütənasib təsirini nümayiş etdirir. Fond zərərçəkmiş azyaşlılara təcili yardım göstərməyə çağırıb.

Əfqanıstanda avqustun 31-dən indiyədək 3 zəlzələ baş verib. Avqustun 31-də baş vermiş zəlzələ nəticəsində 2180 nəfər xəsarət alıb, 1368 nəfər ölüb. Ümumilikdə təbii fəlakətdən 25 kəndin sakinləri zərər çəkib.

QAZİLER.AZ