Ukraynanın keçmiş xarici işlər naziri Dmitri Kuleba prezident Volodimir Zelenskinin keçmiş diplomatik işçilərin ölkədən çıxışını qadağan edən fərmanına görə ölkədən qaçıb.

Qaziler.az xəbər verir ki, bu barədə “Corriere della Sera” məlumat yayıb.

O, bir gün “gecə oğrusu kimi” ölkəsindən qaçmalı olacağını heç vaxt düşünmədiyini qeyd edib.

“Onlar qəzəblərini məndən çıxardılar, çünki mən Zelenskinin antikorrupsiya agentliklərinin işinə senzura qoymaq niyyətini açıq şəkildə pislədim”, - Kuleba bildirib.

Keçmiş nazir ölkədən qaçdığını Zelenskinin fərmanının qüvvəyə minməsindən bir neçə saat əvvəl elan edib. Kuleba əlavə edib ki, Ukrayna qanunları səfərbərlik çərçivəsində keçmiş diplomatları Ukrayna Silahlı Qüvvələrində xidmət etməyə məcbur etmir.

Onun sözlərinə görə, Avropa və ABŞ universitetlərində müəllimlik fəaliyyətinə görə səyahət qadağası onun üçün təhlükədir.

Sentyabrın 4-də Zelenski ABŞ prezidenti Co Bayden və bir sıra Avropa liderlərinin müvafiq təkliflərinə baxmayaraq, xüsusi əməliyyat başlayandan sonra Ukraynanı tərk etməkdən imtina etdiyini bildirib.

QAZİLER.AZ