“Aİ-nin Gürcüstandakı Monitorinq Missiyası (EUMM) yerlərdə yeganə beynəlxalq missiya kimi təhlükəsizlik vəziyyətinin sabitləşdirilməsində mühüm rol oynayır.

Qaziler.az xarici KİV-ə istinadla xəbər verir ki, bu barədə Avropa Birliyi açıqlama yayıb.

“Biz Rusiyanın işğal olunmuş separatçı Abxaziya və Cənubi Osetiya bölgələrində hərbi mövcudluğunu davam etdirməsini pislədiyimizi bir daha bildiririk. Bu,  beynəlxalq hüququn və Rusiyanın 12 avqust 2008-ci il sazişindən irəli gələn öhdəliklərinin pozulmasıdır.

Aİ Cenevrə Beynəlxalq Müzakirələrinin həmsədrliyi və Aİ-nin Cənubi Qafqaz və Gürcüstandakı böhran üzrə Xüsusi Nümayəndəliyinin işində iştirak etməklə münaqişələrin həlli ilə fəal məşğul olmaqda davam edir.

Avropa İttifaqı Gürcüstanın beynəlxalq səviyyədə tanınmış sərhədləri daxilində müstəqilliyi, suverenliyi və ərazi bütövlüyünə davamlı dəstəyini bir daha təsdiqləyir və regionda münaqişələrin sabitləşdirilməsi və həlli üçün davamlı səylərə sadiq qalır”, - Aİ qeyd edib.

QAZİLER.AZ