Macarıstan ABŞ texnologiyasından istifadə etməklə kiçik modullu nüvə reaktorunun tikintisi üzrə hazırlıq işlərinə başlayıb.

Qaziler.az “Origo” nəşrinə istinadla bildirir ki, bu barədə Macarıstanın xarici işlər naziri Peter Siyarto bildirib.

Layihə “GE Vernova Hitachi Nuclear Energy” texnologiyalarını təmsil edən Polşanın “Synthos Green Energy” şirkəti ilə birgə həyata keçiriləcək.

Macarıstanın “Hunatom” şirkəti ilə Polşanın “Synthos” şirkəti arasında müqavilənin imzalanma mərasimində Siyarto qeyd edib ki, sənəd Macarıstanda Amerika nüvə texnologiyasının tətbiqi üçün zəruri olan texnoloji, infrastruktur, maliyyə və hüquqi hazırlıq işlərinin başlanmasına aiddir. Nazir qeyd edib ki, “GE Vernova” şirkətinin BWRX-300 reaktor texnologiyası artıq Kanadada istifadə olunur, hansı ki hökumət orada analoji zavodun tikintisinə icazə verib.

Siyarto vurğulayıb ki, kiçik modullu reaktorların inkişafı nüvə enerjisində qlobal tendensiyaya çevrilir. Layihənin həyata keçirilməsi ölkənin təmiz enerji sahəsində mövqeyini möhkəmləndirməyə və enerji balansını şaxələndirməyə imkan verəcək.

QAZİLER.AZ