Kamçatkada baş verən zəlzələ zamanı çoxlu silkələnmə olub, divarlar titrəyirdi.

Qaziler.az bildirir ki, bu barədə iyulun 30-da "İzvestiya"ya yerli sakin Svetlana məlumat verib.

O, bildirib ki, seysmoloji hadisə baş verən zaman kabinetdə oturub və gurultu eşidib, sonra isə kəskin silkələnmə başlayıb.

"Arxa otaqdan qaçdım, burada müştərilər oturur. Hamımız bayıra çıxdıq. Hər şey rəflərdən düşdü. Çox güclü titrəyiş vardı, divarlar silkələnirdi", - Svetlana qeyd edib.

Yayımlanan kadrlarda mağaza rəflərindən düşən malları görmək olur.

Shot-un yaydığı  videoda isə hadisə şahidi zəlzələdən çatlayan binanın girişinin divarlarını lentə alıb. 

Başqa bir Kamçatka sakini qeyd edib ki, onun ayaqları altında “yer titrəyir”.

İyulun 30-da səhər saatlarında Kamçatkanın Yelizovski rayonunda dalğanın hündürlüyü 4 metr olan sunami baş verib. Kamçatka diyarının qubernatoru Vladimir Solodov qeyd edib ki, baş verən zəlzələ son onilliyin ən güclüsü olub. O, təbii fəlakəti rayon sakinləri üçün ciddi sınaq adlandırıb.

QAZİLER.AZ