Hindistan iyulun 24-dən etibarən Çin vətəndaşlarına turist vizalarının verilməsini bərpa edəcək.

2020-ci ildə Hindistan COVID-19 səbəbilə bütün turist vizalarının verilməsini dayandırmışdı.

Qaziler.az bildirir ki, bu barədə "Kazinform" xəbər verir.

Çin vətəndaşları Pekin, Şanxay və Quançjoudakı Hindistan Viza Müraciət Mərkəzlərində onlayn ərizə doldurduqdan,  pasport və digər tələb olunan sənədləri şəxsən təqdim etdikdən sonra Hindistana turist vizası üçün müraciət edə biləcəklər. Bunu Pekindəki Hindistan səfirliyi çərşənbə günü bildirib.

Hindistan və Çin arasında səyahət COVID-19 pandemiyası və daha sonra 2020-ci ildə yaranan diplomatik gərginlik səbəbindən son illərdə əhəmiyyətli dərəcədə məhdudlaşdırılıb.

Pekin tədricən hindli tələbələr və iş adamlarına vizaların verilməsini bərpa etsə də, gündəlik səyahətlər məhdudlaşdırılıb.

QAZİLER.AZ