Şimali Koreya hakimiyyəti ölkənin şərq sahilində yenicə açılmış çimərlik kurortuna xaricilərin girişini dayandırıb. Qərar Rusiyanın xarici işlər naziri Sergey Lavrovun KXDR-ə son səfəri ilə bağlı ola bilər.

Qaziler.az bildirir ki, bu barədə  "Bloomberg" xəbər verir.

KXDR Milli Turizm Administrasiyası bu ay istifadəyə verilən Vonsan-Kalma kurort zonasının müvəqqəti olaraq xarici qonaqları qəbul etmədiyini bildirib.

Xarici ölkəyə girişin məhdudlaşdırılmasının səbəbləri hələ də qeyri-müəyyən olaraq qalır, lakin onlar Rusiyanın xarici işlər naziri Sergey Lavrovun ölkəyə son səfəri ilə eyni vaxta düşüb. O, həmkarı ilə görüş zamanı bildirib ki, Rusiya Şimali Koreyaya rusiyalı turist axınını artırmaq üçün “mümkün olan hər şeyi” edəcək.

Eyni zamanda, bəzi analitiklər turistlərin buraxılmamasının səbəbinin obyektin tikintisinin yarımçıq olması ola biləcəyini ehtimal edirlər.

QAZİLER.AZ