Kubanın əmək naziri Marta Elena Feyto Kabrera ölkədə dilənçilərin mövcudluğunu inkar edən açıqlamalarından sonra istefaya getməyə məcbur olub.

Qaziler.az xəbər verir ki, bu barədə “BBC News” məlumat yayıb.

Nazir Kubada "dilənçi" deyə bir şeyin olmadığını və zibil yığan insanların necə deyərlər "asan pul" qazanmaq üçün bunu öz istəkləri ilə etdiklərini söyləyib.

"Kubada dilənçi yoxdur. Asan pul qazanmaq üçün özlərini dilənçi kimi göstərən insanlar var", - Kubanın əmək naziri deyib.

Feyto Kabrera həmçinin zibil yığan insanları təkrar emal xidmətinin qeyri-qanuni işçiləri olmaqda ittiham edib.

Onun parlament iclası zamanı etdiyi şərhlər ölkə daxilində və xaricdə kubalıların geniş tənqidinə, prezident Migel Diaz-Kanelyanın reaksiyasına səbəb olub.

O, qısa müddətdən sonra istefa verib. Kubada yoxsulluq və ərzaq qıtlığı ölkə ağır iqtisadi böhranla mübarizə aparmağa davam etdiyi üçün daha da pisləşib.

QAZİLER.AZ