Amerikalıların yarıdan çoxu ABŞ prezidenti Donald Trampın fəaliyyətini bəyənmir, ən böyük narazılıq isə ölkədəki qiymət artımı ilə bağlıdır.

Qaziler.az bildirir ki, bu barədə iyulun 15-də “Economist” jurnalı YouGov şirkəti ilə birgə sorğuya istinadən məlumat yayıb.

Sorğu iyulun 11-dən 14-dək yaşı 18-dən yuxarı olan 1680 amerikalı arasında aparılıb. Tədqiqatın faiz səhvi barədə məlumat verilməyib.

Araşdırmaya görə, amerikalıların 55%-i Trampın fəaliyyətini mənfi qiymətləndirir, respondentlərin isə yalnız 41%-i Amerika liderinin fəaliyyətini bəyənir.

Qeyd olunur ki, Trampa ən az dəstəyi 18-29 yaş arası amerikalılar verib - 66% siyasətçinin fəaliyyətini mənfi qiymətləndirir. Belə ki, yaşı 65-dən yuxarı olan ABŞ vətəndaşları arasında respondentlərin 48%-i Trampdan narazı olduğunu bildirib. Bundan əlavə, inflyasiya sahəsində respondentlərin yalnız 34%-i ABŞ prezidentinin işini müsbət qiymətləndirib, 60%-i isə bəyənmədiyini bildirib.

QAZİLER.AZ