Aşağı peyvənd nisbətləri səbəbindən Avropada qızılcaya yoluxma halları kəskin şəkildə artıb.

Qaziler.az bildirir ki, bu barədə “Financial Times” (FT) Ümumdünya Səhiyyə Təşkilatının (ÜST) məlumatlarına istinadən xəbər verir.

“Avropa və Mərkəzi Asiyada qızılcaya yoluxma hallarının sayı dörddə bir əsrdə ən yüksək həddə çatıb və iki dəfədən çox artıb”, - nəşr yazır.

Qeyd olunur ki, Avropa ölkələrində peyvəndləmə göstəriciləri pandemiyadan əvvəlki səviyyəyə çata bilməyib. Beləliklə, 2024-cü ildə peyvəndlərin kifayət qədər əhatə olunmaması fonunda qızılcaya yoluxanların sayı 148 mini ötüb.

ÜST-yə görə, qızılcaya qarşı kütləvi immunitetin formalaşdırılması üçün əhalinin peyvəndlə əhatə olunma səviyyəsi 95% olmalıdır. Eyni zamanda, 2024-cü ildə qızılca, məxmərək, svinka və hepatit B-yə qarşı tam peyvənd olunmuş uşaqların ümumi sayı 2019-cu ildəki 92 faizlə müqayisədə 91 faiz təşkil edib.

QAZİLER.AZ