Fransa Silahlı Qüvvələrinin Baş Qərargah rəisi, ordu generalı Tyerri Byürkar iyulun 11-də bildirib ki, Rusiya Federasiyası respublika üçün əsas təhlükədir.

"Bu, sabit, yaxın və mənim fikrimcə, miqyasına görə ən əhəmiyyətli təhlükədir. İlk növbədə, Rusiya həm adi, həm də nüvə silahları baxımından real hərbi gücdür", - Byurkar Parisdə mətbuat konfransında deyib.

Onun çıxışından bir fraqment X sosial şəbəkəsində (keçmiş Twitter) LCI telekanalının səhifəsində dərc edilib.

Bundan əlavə, general əlavə edib ki, hələ də Ukrayna məsələsində Rusiya ilə əlaqə saxlamaq lazımdır. Bununla belə, Byürkar vurğulayıb ki, bu cür təmaslar “texniki səviyyədə həyata keçirilir və bu, Ukrayna münaqişəsində gərginliyi azaltmaq üçün kifayət deyil”.

QAZİLER.AZ