Belarus diktatoru Aleksandr Lukaşenko deyib ki, guya ABŞ prezidentinin xüsusi nümayəndəsi Keyt Kelloq ona “Ukraynanın Rusiya Federasiyasına zərbələrinin məhdudlaşdırılması üzərində işləyəcəyinə” söz verib. Sonuncu isə bunu təkzib edib.

Qaziler.az bildirir ki, bu barədə RBK-Ukrayna Kelloqun X-nə (Twitter) istinadən xəbər verir.

Dünən, iyulun 1-də Rusiya və Belarusun dövlət mediası Lukaşenkonun Kelloqa Rusiya diktatoru Vladimir Putinin mümkün atəşkəslə bağlı mövqeyini çatdırdığı barədə bəyanatını yayıb.

Lukaşenko deyib ki, Moskva guya atəşkəsin “əleyhinə deyil”, lakin “Amerika, ingilis, fransız” raketlərinin Rusiya Federasiyası ərazisinə düşməsini istəmir.

QAZİLER.AZ