Almaniya hakimiyyəti 2025-ci il üçün Ukraynaya elan edilmiş hərbi yardımın məbləğindəki uyğunsuzluğu izah edə bilməyib.

Qaziler.az bildirir ki, bu barədə “Bild” öz araşdırmasına və Müdafiə Nazirliyinin şərhlərinə istinadən yazır. Nəşrin məlumatına görə, vəd edilən 9 milyard avrodan yalnız 8,3 milyard avro təsdiq edilmiş büdcə layihəsinə daxil edilib.

“Nazirlər Kabinetinin layihəsində Ukraynaya yardımın məbləğinin 9 milyard avro deyil, 8,3 milyard avro olması heç nəyi dəyişmir”, - Müdafiə Nazirliyinin nümayəndəsi bildirib.

Onun sözlərinə görə, əvvəllər ayrıca elan edilən 1,9 milyard avro artıq ümumi məbləğə inteqrasiya edilib. Eyni zamanda, “Bild” qeyd edir ki, bəyanat həm müdafiə naziri Boris Pistoriusun bəyanatlarına, həm də departamentin sonrakı press-relizinə ziddir.

İlkin olaraq, söhbət təxminən 7,3 milyard avro zəmanətli yardım və 1,9 milyard avronun parlament tərəfindən təsdiqlənəcəyindən gedirdi. Nəticədə hökumət Bundestaqa ümumi dəyəri 8,3 milyard avro olan layihə göndərib. “Bild”in vurğuladığı kimi, nazirlik çatışmayan vəsaiti xarici mənbələrdən alacağına ümid edir, yoxsa Ukrayna vəd ediləni ümumiyyətlə almayacaq.

QAZİLER.AZ