ABŞ prezidenti Donald Tramp İranın nüvə obyektlərinə zərbə endirmək qərarı ilə strateji səhvə yol verdi.
Qaziler.az bildirir ki, bunu iyunun 23-də İslam Respublikası parlamentinin sədri Məhəmməd Baqir Qalibaf deyib.
“Amerika prezidenti sionist rejimin cinayətkar əməllərini dəstəkləməklə və bilavasitə İrana qarşı müharibəyə girməklə öz strateji səhvinə yol verdi”, - deyə "Tasnim" xəbər agentliyi onun sözlərini sitat gətirib.
O, ABŞ-ın münaqişənin əvvəlindən İsraili dəstəklədiyini və Təl-Əvivin İranın nüvə proqramını təkbaşına məhv edə bilməməsindən sonra müdaxilə etmək məcburiyyətində qaldığını vurğulayıb.
“Biz buna dözməyəcəyik və Trampı ölkəmizə qarşı təcavüzündən peşman edəcək şəkildə mütləq cavab verəcəyik”, - Qalibaf əlavə edib.
QAZİLER.AZ
