“İran nüvə proqramının dinc xarakter daşıdığını təsdiqləmək üçün dialoqa hazırdır”.

Qaziler.az TASS-a istinadla xəbər verir ki, bunu İran prezidenti Məsud Pezeşkian fransalı həmkarı Emmanuel Makronla telefon danışığı zamanı deyib.

"Biz dinc nüvə enerjisi sahəsində etimadı gücləndirmək üçün dialoqa və əməkdaşlığa hazırıq", - İran lideri bildirib.

Eyni zamanda, Pezeşkian vurğulayıb ki, İran nüvə proqramının tam məhdudlaşdırılmasına razı olmayacaq. Üstəlik, İslam Respublikası İsrailin davam edən təcavüzünə sarsıdıcı cavab verəcəyinə söz verib.

Bu həftə Cenevrədə İran üç Avropa ölkəsi ilə danışıqlar aparıb. Görüşdə Almaniya, Fransa və Böyük Britaniyanın xarici işlər nazirləri İohan Vadeful, Jan-Noel Barrot və Devid Lammi, həmçinin Aİ diplomatiyasının rəhbəri Kaya Kallas da iştirak edib.

QAZİLER.AZ