Yaponiya hökuməti mayın sonunda Kuril adalarının cənubunda mülki gəmilərə elan edilməmiş təlim atəşi ilə bağlı insidentin təkrarlanmasının qarşısını almağa çalışır.

Qaziler.az TASS-a istinadla xəbər verir ki, bu barədə Nazirlər Kabinetinin baş katibi Yoşimasa Hayaşi Tokioda mətbuat konfransı zamanı bildirib.

“Biz dənizdə təhlükəsizliyin təmin edilməsi və belə hadisələrin qarşısının alınması üçün bütün mümkün tədbirləri görməklə məşğuluq”, - deyə Yoşimasa Hayaşi açıqlama verib.

Siyasətçinin sözlərinə görə, hadisə baş verən ərazidə heç bir gəmi görünməyib. Bundan başqa, o, qeyd edib ki, heç bir ziyan qeydə alınmayıb.

QAZİLER.AZ